Зајакнување на трговските врски Македонија-Франција

Денес, министерот за подобрување на инвестициска клима за домашните компании проф д-р. Зоран Шапуриќ и министерката за привлекување на странски инвестиции Зорица Апостолска, остварија средба со амбасадорот на Р. Франција Н.Е. Кристиан Тимоние и директорот на канцеларијата Business France со седиште во Атина, Пиер Лињо.

На средбата Н.Е г-дин Тимоние го истакна интересот на фрацуските компании за регионот и истовремено ги поздрави евро-атлантските аспирации на Р.Македонија и ја напомена поддршката од Р. Франција во тој процес.

Г-дин Лињо од BUSINESS FRANCE-државна Агенција во Франција, која им помага на француските компании да бидат присутни на меѓународен план и им помага на меѓународните компании да инвестираат во Франција, го претстави претстојниот Економскиот Форум “ФРАНЦИЈА-БАЛКАН 2018”, кој ќе се одржи во Белград на 30-ти и 31-ви мај. Ова е 3 форум и е продолжение на процесите започнати од Берлинскиот процес и самитот во Париз.
На економскиот форум ќе присуствуваат компании од Франција заедно со уште 12 делегации и компании од земјите од регионот. Се очекува присуство на повеќе од 250 учесници, кои ќе бидат фокусирани на 5 сектори и тоа: агроиндустрија, инфраструктура, IT (нови технологии), енергетика со фокус на обновливи извори и туризам. Економскиот форум ќе претставува одлична можност за македонските компании да ги претстават своите производи и услуги со цел да остварат бизнис партнерство и соработка со франциските компании. Учеството за македонските компании на Економскиот форум е бесплатно.

Н.Е. г-дин Тимоние ја истакна важноста на форумот во процесот на зајакнување на трговските врски помеѓу Франција и Македонија.

Министрите Шапуриќ и Апостолска се заблагодарија за можноста која им се нуди на македонските компании, и ја повторија заложбата на Владата на Р. Македонија изразена преку Планот за економски раст за стимулирање и поддршка на конкурентноста на домашните компании како и нивно вмрежување со странски компании.

Напишете коментар

Вашата адреса за е-пошта нема да биде објавена. Задолжителните полиња се означени со *